Ginkumpirma sang Negros Oriental Electric Cooperative 2 ukon NORECO II nga ang live wire nga ginhalinan sang pagka kuryente sang menor de edad nga mag-utod ang bangud sang iligal nga koneksyon.
Ginakasubo sang electric cooperative ang natabo sa mag-utod kag isa ka pahanumdum sa publiko nga delikado ang iligal nga koneksyon sang kuryente.
Sang nagligad nga semana sang papauli na ang 15 kag 13 anyos nga mag-utod sa Bayawan City sa Negros Oriental sang madanlog ang magulang kag aksidente nga natandugan ang isa ka live wire sa higad sang dalan.
Gin tinguhaan siya nga buligan sang iya manghod apang nakuryente man pati ang manghod. Patay na ang duha sang mag-abot sa ospital.
Sa imbestigasyon sang NORECO II, ang iligal nga pag-tap sang kuryente amo ang rason kun ngaa may live wire sa higad sang dalan.
Suno pa sa electric cooperative, kun tani i-report gilayon sa ila nga talatapan kun may yara sang makita nga illegal connection para malikawan ang parehos sini nga insidente.