Patay sanday Alias Michael, manugbaligya sang inug bulang nga manok kag Alias Peter isa ka cockfighting farm manager matapos nga nagtiruhay sa Sitio Mambucano, Barangay Cabatangan, siudad sang Talisay Biyernes sang kaagahon.
Sa report sang Talisay PNP, nagwa ang biktima matapos nga ginbato ang iya balay kag didto na atubang sini ang suspek tubtob nga nag sabtanay sila kag nag tiniruhay.
Ang biktima ang gintiro sa ulo samtang ang suspek ang natiruhan sa dughan kag gindala sila nga duha sa Talisay City Health Office kag parehos nga gindeklarar nga dead on arrival.
Nakuha sang PNP sa crime scene ang isa ka unit sang 9mm Beretta pistol, isa ka unit sang .45 caliber pistol, duha ka naglupok nga bala sang 9mm caliber, isa ka naglupok nga bala sang .45 caliber kag isa pa ka basiyo sang wala ma mahibaluan nga armas.
Isa sa mga rason nga gina lantaw sa inaway sang duha amo ang madugay na nga away ukon konplikto sa negosyo.