Masobra sa 3,500 ka mga senior citizen nga naga edad 65 pataas ang tigayon na nga nakabaton sang napulo ka kilo nga bugas sang Huwebes gikan sa siudad sang Bacolod.
Ini ang kabahin sang programa sang gobyerno nasyonal nga “Sa Bagong Pilipinas, Bawat Bayan Makikinabang,” kun sa diin 94 million pesos ang kabug-usan nga pondo nga gin pain para sa Bacolod City.
Sa record sang siudad sa 94,000 ka mga senior citizen sa Bacolod, yara palang sa masobra 20,000 ang nagabaton sang pension.
Ginsiling ni Atty. Marty Go, Secretary to the Mayor, una nga napanghatag ang amo nga bugas sa Barangay Sum-Ag kag Barangay Cabug kag subong naman sa Barangay Alangilan kag Banago.
Ang kutob sa mga kwalipikado nga benepesyaryo sang programa, ang makabaton sang 10 ka kilo nga bugas kada duwa ka bulan tubtob sa Disyembre sini nga tuig.
[sibwp_form id=1]