Shadow

Paghatag sang booster shots suguran na sa Nov. 15

Nico Delfin photo

Ginabulubanta naga average sa masobra sais shientos ka mga 12-17 year old kada adlaw ang sarang mabakunahan sa mga vaccination centers sang Bacolod.

Ginatan-aw ni Em Ang, executive director sang Emergency Operations Center nga sa madasun nga sinemana malab ot nila ang pagbakuna sa masobra sinko mil ka mga menor de edad nga yara sa ila nga masterlist.

Gani karon pa lang ginahulat naman sang eoc ang guidelines nga maghalin sa Department of Health para masugdan ang pagbakuna sang anti-Covid-19 booster shots sa mga medical frontliners kag senior citizens.

Sa Nobyembre kinse ginapaabot sang siudad nga masuguran ang pag-administer sang booster shots pinaagi man sa mga vaccination centers.

Ang pagbakuna sang dugang nga dose sang vaccine ang ginsuguran na sa iban nga pungsod agud nga mas mapasaka ang efficacy sang vaccine nga sarang man makahatag sang dugang nga proteksyon sa nabakunahan na kontra sa virus.

Leave a Reply

Your email address will not be published. Required fields are marked *

Secured By miniOrangeSecured By miniOrange