Shadow

May mga drayber na nga nagkakas sang plastic barrier, kalabanan wala pa

Wala anay nangakas sang mga plastic barrier ang kadam-an sa mga drayber sa ila ginamaneho nga jeep samtang wala pa sang memorandum gikan sa Land Transportation Franchising and Regulatory Board.

Gin-anunsyo sang pamunuan sang Department of Transportation kag LTFRB regional office nga pwede na mapatuman ang pagkakas sang plastic barrier sumugod karon nga adlaw.

Nagpang duha duha pa una ang jeepney drayber nga si Dexter Torda pero sang mahibaluan niya ang balita gikan sa iya mga kaupdanan, gilayon niya nga ginkakas ang mga plastic barrier sa sulod sa sang ginamaneho nga jeep.

Pero bisan may memo man ukon wala, ginpakamaayo naman sang pila ka mga drayber kasubong na lang sang mga nagabyahe sa Burgos-Alangilan nga indi anay pag kakason ang mga plastic barrier.

Para sa ila magluwas nga makalikaw sila sa posible pagpanakop, indi man gihapon ini makabulig sa ila pagbyahe bangud limitado gihapon sa 50-70 percent ang mga pasahero sa mga pampubliko nga salakyan sa idalom sang alert level 4 status sang Bacolod.

Suno kay Em Ang, executive director sang Emergency Operations Center nga dapat masiguro man nga indi overloaded ang mga jeep kag nagagamit sang facemask kag faceshield ang mga pasahero.

Ginalauman sang katapo sang transport sector nga kun mapanubuan na ang alert status sang Bacolod basi pa lang mapasakaan na ang ila passenger capacity agud bisan paano makapahagan-hagan man ini sang ila palas-anon sa nagapadayon nga pagsaka sang presyo sang produkto petrolyo.

Damlag pa gin anunsyo na sang ltfrb ang pagkakas sa mga plastic barriers bangud wala man sang medical study nga makapamatuod nga ini ang maka pugong sang pagpanglaton sang COVID-19.

Leave a Reply

Your email address will not be published. Required fields are marked *

Secured By miniOrangeSecured By miniOrange