Mga Agricultural workers sa idalom sang NFSW, KMP kag PAMALAKAYA ang nag patigayon sang aksyon protesta sa atubang sang talatapan sang DOLE Hwebes sang aga.
Panawagan sang grupo sang tunga sang krisis nga gina atubang sang industriya sang kalamay amo ang pag patuman sang P5,000 nga social amelioration bonus para sa mga field workers kag migratory workers para man matabangan ang mga apektado sa tion sang sira galing.
Bitbit ang mga tarpaulin kag placards ila nga ginsinggitan ang ila nga mga panawagan sa tunga sang gina eksperiensya karon nga pagpanghangkat dala sang pag pang atake sang peste sa tubo, manubo nga presyo sang kalamay tuga sang importation suno sa ila kag pag nubo sang production.
Ginaduso man nila ang pag dula sang pakyaw system sa mga hacienda.
Sa ila nga position paper nga gin-submit ginapanawagan man nila ang pag patuman sang reforms para sa mga sugar workers association para tigayon maka access sang socio-economic projects, maternity benefits kag funeral benefits santo sa nasaad sa layi.
Luyag man nila nga mapasakaan ang amo nga mga benepisyo.
[sibwp_form id=1]