Tatlo ka insidente sang pagkawat sang mga kuryente kag kable sa Bacolod City Government Center ang na-report sang siudad sini nga Agosto.
Ginsiling ni Atty. Marty Go, Secretary to the Mayor, nga una nga insidente ang na report sang Agosto 21 kag 22, samtang isa naman ka kaso sang pagkawat sang mga kable sang suga ang gin-report man sang Agosto 28.
Nagdangat sa masobra 50,000 pesos ang balor sang mga kuryente kag kable nga gintaban sang mga kawatan.
Masami nga ginakawat suno kay Go, amo ang mga daan na nga linya sang kuryente kag mga kable sang suga bangud mahapos nalang ini makuha.
Matapos ang ini nga mga insidente, ginpang-ilisan na ang amo nga mga kuryente kag gintabonan agud indi na dali-dali makawat.
Ginamanduan na sang pamunuan sang siudad ang Public Order and Safety Officer nga mas pabaskuron ang pagbantay sa palibot sant BCGC agud malikawan ang kaangay sini nga insidente.
Naghingyo man ang siudad sa kapulisan nga mag deploy sang mga personnel sa BCGC ilabi na kun gab-i pakadto kaagahon.
Handa nga magpasaka sang kaso ang siudad hinali nga makilala na ang mga kawatan.
[sibwp_form id=1]