Miyerkules sang aga, tigayon na nga ginpanagtag sang Bacolod LGU ang tag 200,000 pesos sa 61 ka barangay sa siudad sa idalum sang Bawat Barangay Makikinabang Program sang gobyerno nasyonal.
Sa idalum sang programa, ginamanduan ang Barangay nga magpili sang lima ka mga graduating ukon working students nga mahatagan sang tig 20,000 pesos bilang bulig sa ila pag-eskwela samtang ang nabilin naman ang pagagamiton sa mga socio-civic projects sang tagsa ka Barangay.
Nagpasiguro si Christian Nagaynay, Director sang Department of the Interior and Local Government sa Bacolod City, nga hugot sila nga magabantay sa pag distribute sang tagsa ka Barangay sa amo nga funds.
Dugang pa niya, indi dapat malakip sa scholarship program ang mga himata sang mga opisyales sang Barangay.
Antes paman gin-release sa Barangay ang pondo, ginsapol na sang DILG kag sang LGU ang mga punong barangay agud masiguro nga mahatag sa husto nga mga benepisyaryo ang scholarship.
Wala paman suno sa iya sang may na report nga may mga himata sang opisyales ang nadala sa scholarship.
Una na nga ginklaro ni Bacolod City Mayor Greg Gasataya nga ang Barangay mismo ang may kapasidad nga magpili sang mga scholars.
Nangin kontrobersyal ang pag pili sang Presidential Scholars matapos nga pila ka mga kapitan sa Negros Occidental ang ginreklamo bangud ila mismo kabataan ukon himata ang nakakuha sang tig 20,000 pesos. Pero tigayon na ini nga ginpang balik.
[sibwp_form id=1]