Mga local talents nagtipon-tipon sa madinalag-on nga pagbukas sang Bacolod Film Festival sa mall.
Napabilib bisan ang mga tumalan-aw kag bisan mga local talents kag creatives sa mga short films nga ila nakita sa big screen sa opening day sang Bacolod Film Festival sa Ayala Malls Capitol Central kag SM City Mall kahapon.
Kadam-an sa mga nagduguk sa mga sinehan ang mga estudyante nga nakabaton sang libre nga mga tickets.
Napulo ka mga pelikula nga obra sang mga Bacolodnon ang napasalida.
Ginpasalamatan ni Councilor Em Ang ang suporta sang Department of Trade and Industry upod kay Mayor Albee Benitez nga nahatagan sang kahigayunan ang mga local creatives nga mapakita ang ila abilidad sa film making.
Gani bisan ang aktor nga si Victorias City Mayor Javi Benitez daw nabalik man ang kahidlaw sa pag-arte sa mga pelikula.
Nagapati siya nga dapat pa mapalapnag ang mga obra sang mga local talents, ilabi na sang mga Negrense.