Ginbuno sang tiyo ang duha niya ka mga menor de edad nga hinablos sa Habay-Habay, Barangay Candabong sa banwa sang Manjuyod, Negros Oriental, mga las 2:30 sang hapon sadtong Domingo, Hulyo 19.
Patay sa pagpamuno ang 11-anyos nga Grade 6 student, samtang pilason ang 16-anyos nga lalaki.
Nag-gwa sa imbestigasyon nga ang mga biktima, upod ang iban pa gid nila nga mga utod, kag ang suspek nga si alyas “JCA”, 28-anyos, nga ila man tiyo, ang magakaon kuntani sa balay sang tatay sang suspek.
Gulpi lang nga ginbuno sang suspek ang Grade 6 student sa iya kilid gamit ang sundang kag ginsunod man buno sa tiyan ang 16-anyos nga lalaki.
Ginkarga sang magulang ang Grade 6 student samtang nagdinalagan ang iban pa nila nga mga utod. Nagpangayo naman sang bulig sa tupad balay ang 16-anyos nga biktima.
Matapos ang insidente, nagkadto ang suspek sa iya balay kag sang mag-abot ang nagresponde nga kapulisn, ila nakit-an ang suspek nga nagakabit sa kalat sang duyan kag wala na sang kabuhi.*
[sibwp_form id=1]