Padayon ang istoryahanay bahin sa wala pa nabayaran nga HEA ukon Health Emergency Allowance sang mga healthcare workers sang mga district hospital sa Negros Occidental sang tion sang COVID pandemic.
Ini suno kay DOH Undersecretary Mary Ann Maestral nga wala na nag dugang pa pahayag bahin sa issue.
Damlag pa ginsiling sang isa ka USEC sang Department of Budget and Management sa isa ka post nga wala na sang utang ang DBM bahin sa HEA.
Na release na suno sa post sa DOH ang kabilugan nga kantidad sang balanse sadtong July 5 kag ini ang nagdangat sa 27.453 billion pesos bilang kabahin sang directive sang presidente.
Gin siling na lamang ni Maestral nga sa bahin sang mga healthcare workers sang probinsya tigayon na nga na submit ang tanan nga nagakaigo nga dokumento kag obligasyon ini nga dapat bayaran.
Damlag pa ginsiling ni Maestral nga may 202.8 million pesos nga balayran ang DOH sa HEA sang mga healthcare workers sang siyam kag mga district hospitals kag pipila ka katapo sang Provincial Health Office.
“Ang Central Office is trying its best. Naga pungko sila with authorities para nga ma panaugan na sini sang kwarta. Sige ang istoryahanay hasta sa subong. Bal-an mo I think emotions were high”, suno kay Maestral.