Shadow

Pagbakuna sang AstraZeneca sa Negros Occidental suguran sa July 21

Sa Hulyo 21 pagasugdan ang rollout sang supply sang AstraZeneca nga gikan sa Department of Health.

Katunga sa supply sang AstraZeneca nga nag abot ang gintalana para sa first dose kag ang katunga sa second dose.

Sa ginpadala nga impormasyon ni Provincial Administrator Rayfrando Diaz, sa 10,000 ka dose, 5000 ang iga rollout sa mga banwa kag siudad bilang first dose sa mga senior citizen ukon ang yara sa A2 category.

Sa tion naman nga mahuman ang ginapatigayon karon nga pagbakuna para sa second dose sang Pfizer sa Negros Residences, pagasugdan ang rollout sa amo man nga venue sa supply sang AstraZeneca nga ginbakal sang probinsya para sa essential workers ukon ang yara sa A4 category.

Pagasugdan ini July 26 tubtob july 30 para sa 1,450 ka mga vaccinees.

Pagasugdan naman ang rollout sang janssen vaccines sa mga banwa kag siudad para sa A2 kag A3 categories sa july 26 tubtob sa July 30.

Kahapon may 72,900 ka dose sang Covid-19 vaccines ang nag abot sa Negros Occidental.

Leave a Reply

Your email address will not be published. Required fields are marked *

Secured By miniOrangeSecured By miniOrange