Shadow

MECQ nangin epektibo suno sa IATF sa pagpanubo sang kaso sang COVID-19

Padayon sa karon ang pag nubo sang active cases sang COVID-19 sa Negros Oriental nga nag panaog na sa three digits ang active cases.

Gikan sa peak nga 2500 active cases, yara na lang karon sa 835 ang active cases sang COVID-19 sa probinsya matapos maka record sang 354 naman ka new recoveries kahapon kag 137 lang ka new cases.

Nagnubo naman ang positivity rate sa probinsya kabangdanan nga nag panaog na sa GCQ ukon General Community Quaranting ang ila nga quarantine status.

Suno kay Dr. Liland Estacion, ground commander sang Provincial Inter-Agency Task Force, nangin madako nga bulig ang pag paidalom sa probinsya sa Enhanced Modified Commnunity Quarantine bangud

sa nalimitahan ang hulag sang mga pumuluyo.

Nangin cooperative man suno kay Estacion ang mga pumuluyo amo kun ngaa naganubo na karon ang kaso sa probinsya.

Nalapawan na sang nag ligad nga bulan sang Negros Oriental sa kadamuon sang active cases ang Negros Occidental pero matapos ang isa ka bulan,

malapit naman 800 ang abanse sang NEgros Occidental sa active cases.

Kahapon may dugang naman nga 78 ka bag-o nga kaso sang COVID-19. Nagapabilin sa gihapon sa 4 digits ang active cases sa Negros Occidental nga karon yara sa 1621 active cases.

Ang Bacolod City naman ang may 28 lang ka bag-o nga kaso kahapon. 1,404 ang active cases karon sa siudad.

Leave a Reply

Your email address will not be published. Required fields are marked *

Secured By miniOrangeSecured By miniOrange