Shadow

Pagbakuna sa mga menor de edad dako ang bulig para malab-ot ang herd immunity

Capitol photo

Nagsugod naman subong nga adlaw ang pagbakuna para sa mga dose tubtob 17 anyos nga kabataan sa bilog nga probinsya.

Sarang mag pabakuna ang mga kabataan sa tagsa nila ka local government unit. May yara man sa Negros Residences.

Padayon man ang pagbakuna sa mga kabataan nga may yara sang co-morbidity sa Teresita Lopez Jalandoni Provincial Hospital sa Silay City, amo man sa ospital sa Cadiz kag Kabankalan.

Sa mga may co-morbidity dapat may yara sang medical certificate, kag kun guardian ang upod sang kabataan dapat may yara sang parental consent.

Importante man nga dapat naka pa register ukon naka pa lista antes magpabakuna.

Suno kay Provincial Administrator Rayfrando Diaz, kun matigayon lab-ot ang target nga mabakunahan sa mga kabataan daku ini nga bulig sa paglab-ot sang herd immunity.

Dugang pa ni Diaz, ang pagbakuna sa mga kabataan maga hatag sang ligwa sa ulihi sa pag patigayon sang face to face classes agudto amat-amat makabalik naman sa normal ang pag eskwela sang kabataan.

Secured By miniOrangeSecured By miniOrange