Shadow

1,000 gina lauman mabakunahan nga menor de edad subong nga adlaw

Ang mga naga-edad dise siete anyos panubo indi gihapon maka-gwa sa mga puluy-an sa idalom sang alert level 4 status sang Bacolod.

Pero karon nga nagsugod na ang pediatric vaccination para sa mga 12-17 years old, sarang sila nga makakadto sa Ayala Mall kag SMX convention center para magpabakuna kaupod ang ila mga ginikanan ukon guardian.

Pero ginapaandaman na sila sang katapo sang Emergency Operations Center nga ipaiway gid anay ang maglagaw bangud sarang sila gihapon malatnan sang Covid-19.

May masobra man sa isa ka libo ang ginalauman mabakuhan nga kabataan sa vaccination center sa mga mall lakip na sa Riverside College kun diin sarang man makapabakuna ang mga menor de edad nga may co-morbidity.

Sa record sang EOC, may masobra sa sinko mil nga menor de edad ang handa magpabakuna.

Sa madasun nga semana pabaskugon pa sang siudad ang pediatric vaccination kaupod ang mga pribado nga eskwelahan sa Bacolod.

Leave a Reply

Your email address will not be published. Required fields are marked *

Secured By miniOrangeSecured By miniOrange