Malapit sa 4,000 ka mga frontliners ukon sa category a1 sa negros occidental ang nakumpleto bakunahan sang COVID-19 vaccines.
Suno kay Atty Rayfrando Diaz, ang provincial administrator, sa datus sang probinsya 3,929 ang nahatagan sang ila ika duha nga dose sang bakuna. Sa 12,044 ka nag abot nga allocation 9,800 diri ang nagamit ang nabilin gintalana para sa second dose.
Damlag pa ginsiling ni Dr Ernell Tumimbang ang provincial health officer nga masobra sa 30 mil ang dapat nga mabakunahan sa idalom sang Category A1 ukon mga ginakabig frontliners.
Sunod diri base sa priority sa categories amo ang mga senior citizen. Gani malawig pa malab utan sila ilakip na si Governor Eugenio Jose Lacson. Suno kay Diaz ang pagbakuna nasandig sa priority kag ang kahinay tungod man sang diutay nga naga abot nga vaccine allocation. Sa Abril may isa pa ka batch sang bakuna nga ginapaabot pero sa mayo ginalauman maga abot ang main bulk pero sa gihapon ini tanan maga depende sa abiso sang gobyerno national.