Shadow

Wala anay watchers liwat sa mga may pasyente sa CLMMRH

Corazon Locsin Montelibano Memorial Regional Hospital ang indi na magpahanugot sa pagtenir sang mga watchers sang pasyente sa sulod sang ospital.

Ini ang base sa public advisory nga ginpagwa sang ospital kagabi.

Tinutuyo sang amo nga polisa nga mapangapinan ang ikaayong lawas sang mga pasyente kag hospital staff nga indi malatnan sang COVID-19.

Ini matapos ang liwat na naman nga pagsaka sang mga kaso sa Bacolod kag Negros Occidental sini nga bulan sang Abril.

Suno sa ospital, ila lamang pahanugutan nga updan ang pasyente sa pagpa admit sa ospital pero sa tion nga mangin estable na ang kondisyon sang pasyente indi na nila pagpahanugutan ang watcher sang pasyente nga magtenir pa sa sulod sang ospital.

Ang ini nga pagsulundan ang ginhimo man sang ospital sang nagligad nga tuig sang nagdamo man ang mga kaso sang COVID-19 sa Bacolod kag probinsya.

Leave a Reply

Your email address will not be published. Required fields are marked *

Secured By miniOrangeSecured By miniOrange