Shadow

P110M nga budget para sa Negros Occidental para sa 2022 TUPAD sang DOLE

110 million pesos sa idalom sang TUPAD ukon ang assistance para sa mga apektado sang pandemic ang gin-allocate para sa Negros Occidental sa 2022.

Suno kay Labor Sec Silvestre Bello, III, tig 20 milyones pesos sa idalom sang talatapan sang gobernador kag bise gobernador kag tig 10 milyones pesos naman ang para sa tagsa ka congressional district.

Paathag ni Bello ang TUPAD, ukon ang Tulong Panghanapbuhay Sa Ating Disadvantaged/Displaced Workers ang sarang mapaagi sa mga local chief executives bangud sila mismo nakakilala sang ila nga mga constituents.

Sa isa ka programa sa Negros Residences, 15.3 million pesos nga balor sang assistance ang ginpanagtag sa mga 1,700 ka beneficiaries sa idalom sang TUPAD, Kabuhayan, OWWA Balik Pinas, Balik Hanapbuhay and Tabang OFW.

Samtang, suno kay Bello may plano siya nga mag papili bilang senador, pero ini ang maga depende sa ila nga paga istoryahan sang presidente.

Mahimo siya maga substitute sa isa ka gikan sa lakas. Kun ano ang mangin panindugan sang mga negrosanon sa negros island region ang iya nga pagasuportahan kun madayon gid man siya sa pagpapili bilang senador.

Sa pihak nga bahin suno kay Bello indi mandatory ang vaccination sa mga empleyado magluwas na lamang kun may layi na para diri.

Ang no vaccination no pay suno kay Bello ang para sa mga restaurant, hotel kag wellness centers nga gintugutan sang IATF nga mag operate basta fully vaccinated ang ila nga mga staff.

Secured By miniOrangeSecured By miniOrange