Negros Electric Power Corporation may nakahanda na nga electrical supply kag materials para sa natalana nga pag-operate sa mga franchise area sang Ceneco.
Antes pa sang ginapaabot nga pagsugod sang operation sang NEPC, may mga ginpamakal na nga electrical supply kag materials nga gintalana para sa ila operation sa Central Negros.
Sa press statement, ginsiling sang pamunuan sang NEPC nga ang una nga stocks sang mga materyales ang magarekta sa ila mga bodega antes ma deliver sa mga warehouses sa Central Negros.
Kalakip ini sang pagpatuman sang five-year rehabilitation kag modernization plan para mapalab-ot nila ang maayo nga serbisyo sa mga nasakpan sang franchise area sang Ceneco.
Paagi sa joint venture agreement sa tunga sang CENECO kag Primelectric Holdings Incorporated natukod ang NEPC.
Naaprobahan na sang kongreso kag senado ang franchise application sang NEPC kag ginahulat na lamang ang pagpirma ni Presidente Ferdinand Marcos, Jr., sa ginapaabot nga layi.
Kalakip sa mangin franchise area sang panibag-o nga distribution utility ang Bacolod, Bago, Silay, kag Talisay City pati na ang banwa sang Murcia kag Don Salvador Benedicto.