Matapos sang isa ka bulan nga pag paidalom sa enhanced community quarantine, gin downgrade na sang National Inter Agency Task Force ang quarantine status sang Negros Oriental sa GCQ ukon general community quarantine with heigthened restirictions.
Ini matapos man mag apelar ang probinsya bangud sang padayon nga pag panaog sang Covid-19 cases sa Negros Oriental pati na ang positivity rate kag average daily attack rate.
Kahapon 60 lang ka bag-o nga kaso ang na record sa probinsya kag ang new recoveries naman ang yara sa 286.
Gani nag panaog pa gid karon sa 1057 na lang ang active cases sang covid-19 sa bug-os nga Negros Oriental.
Samtang, may triple digit cases new cases naman ang Negros Occidental kag Bacolod City.
111 ang gin dugang nga kaso kahapon sa Negros Occidental nga karon may 1,723 active cases.
101 naman ang gin dugang sa Bacolod City nga karon may 1,427 naman ka active cases.