Shadow

Gina lantaw sang Kapitolyo ang posibilidad nga pagdugang sang flight para sa fully vaccinated individuals

Capitol photo

Ginalantaw sang probinsya ang posibilidad sa pagdugang sang Manila-Bacolod-Manila flights para sa mga fully vaccinated individuals.

Ginsiling ni Provincial Administrator Rayfrando Diaz nga nag-duso ang Philippine Airlines nga sarang sila maka offer sang dugang nga flight para sa mga Negrense nga fully vaccinated na. Suno kay Diaz subject ini sa approval sang gobernador.

Kun madayon, pwede maka operate ang flight kun sa diin ang mga nagasakay mga fully vaccinated individuals lamang.

Ini ang maga pahagan hagan sang risgo nga malatnan sang Covid-19 sa pag biyahe.

Suno kay Diaz ginalantaw ini nga isa man ka incentive para sa mga fully vaccinated nga mga Negrense.
Samtang, sa Lunes na ginapaabot ang 3,500 ka dose sang AstraZeneca vaccine nga gin-order sang probinsya.

Sa masobra 40,000 naman ka dose nga nag abot kahapon, 30,080 ang gintalana para sa mga magabaton sang ila nga second dose. Kag 10,000 naman ang para sa first dose.

Pero luyag sang Provincial Health Office nga katunga lamang sa 10,000 anay ang gamiton kag ang katunga i-reserve sa second dose.

Leave a Reply

Your email address will not be published. Required fields are marked *

Secured By miniOrangeSecured By miniOrange