Naga pabilin sa alert level 2 ang Negros Occidental.
Gin-extend ni Negros Occidental Governor Eugenio Jose Lacson sa iya ginpapanaog nga executive order ang alert level 2 status sang Negros Occidental.
Pero malakip diri ang pag dugang sang mga flights. Gikan sa duha ka Manila-Bacolod-Manila flights sang Cebu Pacific Air kag Philippine Airlines sa kada adlaw mangin tatlo na ini ka flights sa kada adlaw.
Pero magapabilin naman sa duha ka flights ang Air Asia.
Ang Cebu-Bacolod-Cebu naman nga flights ang dugangan man, apat sa kada semana para sa Cebu Pacific Air kag tatlo naman para sa PAL.
Maga pabilin naman ang S-Pass kag verifiable vaccination card ukon certificate bilang requirement sa mga maga abot sa probinsya nga fully vaccinated individuals.
Sa partially vaccinated ukon wala mabakunahan naman, SPass kag antigen test nga libre patigayunon sa pag abot sa probinsya.
Batunon man sang probinsya ang non – reactive antigen test result nga gin patigayon prior to travel.
Suno kay Lacson nalakip sa SPass requirement ang mga pasahero nga padulong sa Bacolod nga napaidalom naman sa alert level 1.
“That will still require an S-Pass since the airport is situated in Silay. But it has been very easy naman. It’s not going to cause any hassle on the part of our travelers especially if you are fully vaccinated. There will be no inconvenience”, suno kay Lacson.