Nagbalik na liwat sa Alangilan National High School ang mga estudyante sa grade 12 para sa limited face to face classes.
Kadungan sang pagpaidalom sa Bacolod sa alert level 1, ginalauman sang pamunuan sang eskwelahan nga mapahanugutan man ang expanded face to face classes sa grade 7.
Suno kay Veneranda Ortono, OIC principal sang ANHS, dugang nga beinte ka mga estudyante ang ginapaabot makabalik man sa eskwelahan para sa expanded face to face classes sa Marso 14.
Nalakip sa requirement sang Emergency Operations Center nga dapat fully vaccinated ang estudyante kag vaccinated man pati ang katapo sang ila panimalay.
Kinahanglan man ang pahanugot sang ginikanan.
May apat pa ka mga eskwelahan ang gin aprobahan sang Emergency Operations Center upod sa DepEd para sa expanded face to face classes sa Bacolod.
Sa pagsulundan sang Department of Education, nagakadapat man nga wala sang positive case sa sulod sang 28 ka adlaw sa barangay kun diin ipatuman ang expanded face to face classes.
Ini magluwas sa strikto nga pagpatuman sang minimum health protocol.