Probinsya ang nagahulat sang abiso sang Department of Health Central Office kun ano ang matabo sa masobra sa 14,000 ka mga AstraZeneca vaccines nga nag expire.
Suno kay Dr Claudelia Pabillo ang in-charge sa vaccine distribution sang probinsya, naga pabilin sa storage facility ang 14,620 ka dose sang AstraZeneca vaccines nga may November 30 nga expiry kag separado ini sa iban nga supply sang vaccines.
Mahimo nga ini ang gamiton pa, depende sa mangin assessment kun bala sarang ma extend ang shelf life sang amo nga mga bakuna suno kay Pabillo. May yara nga tagpila ka semana pa ang extension para sa nag expire nga vaccine.
Gina sulit niya nga wala sang pagpabaya sa bahin sang probinsya. Kun wala man ini naubos gamit, ini natungod nga sang amo nga tion indi na pagbatunon sang mga local government units labi na nga may preference man ang mga gina dapatan sang bakuna.
Suno kay Pabillo, sa supply sang bakuna sang probinsya subong gina una pa gwa ang mga may manubo nga shelf life ukon lapit na lang ang expiry date.
“There’s a possibility it will still be used. Amo na ang gina hulat namon. Kay depende sa EUA nga ipa gwa sang FDA, inang emergency use authority. Kay may ara man kami na sa edad sang vaccines ang sa label nakabutang nga expiration date, inang amo ni nga date, nag add on sila, basta na keep mo lang siya sa proper storage facility pwede i-extend nila sya for 3 months,” suno kay Pabilo.