Shadow

Negros Occidental naga bantay man sa kaso sang cholera

Probinsya ang nagapaandam kag naga pangaman man kontra cholera, kasunod sang cholera alert nga gin pa gwa sang Bacolod City.

Suno kay Provincial Administrator Rayfrando Diaz indi ma balewala ang cholera threat sa probinsya bangud sang sitwasyon sang pila ka mga water resources kag ang nagakatabo nga pagbaha sa tion nga magbunok ang ulan.

Paathag ni Diaz madamo pa sa mga Negrense ang naga salig sa open wells para sa ila nga ilimnon kag gina gamit sa pangluto bagay nga mataas ang posibilidad sang contamination.

Suno kay Diaz mga duha ukon tatlo ka bulan ang nagligad may kaso sang water borne diseases sa Sipalay.

Padayon man ang kampanya sang probinsya sa zero open defecation kag natalana ang pag turn-over sang 320 ka mga comfort rooms sa banwa sang EB Magalona.

Ang water and sanitation project kag water resources management suno kay Diaz ang gindihon para ma ka angkon sang safe kag potable water ang probinsya.

Secured By miniOrangeSecured By miniOrange