Rainfall Condition sa Negros Occidental ang below normal sa bulan sang Pebrero.
Ini ang February 2024 Outlook base sa El Nino Advisory nga gin pa gwa sang PAGASA. Ang below normal nga rainfall condition nagakasayuran sang 20 tubtob 60 percent reduction gikan sa normal nga pag-ulan.
Sa datus sang probinsya sadtong Pebrero 6 may mga pag-ulan sa pila ka bahin sang Negros Occidental bangud sang shear line kag northeast monsoon. Gikan sa light rainfall, moderate rainfall tubtob sa heavy rainfall ang pagtupa sang ulan.
Sang Enero may mga lugar sa probinsya ang may yara sang way below normal nga rainfall condition ukon masobra sa 60 percent ang nangin reduction sang pag-ulan. Ini ang naga lakip sang banwa sang Cauayan, Candoni, Ilog, Hinoba-an kag Sipalay City.
Padayon ang surveillance sang Office of the Provincial Agriculturist sa mga mangunguma nga apektado sang El Nino Phenomenon. Sa karon may pito ka mga banwa kag siudad ang nag-report sang kahalitan sa humayan nga nag dangat sa 12.8 million pesos. Pero kalabanan sa sining mga pananom ang rainfed ukon nagasalig sa ulan. Tuyo sang probinsya nga mag release sang financial assistance sa mga apektado. Ang cloudseeding operation isa man sa gina hatagan konsiderasyon sang probinsya para mapahagan-hagan ang epekto sang El Nino Phenonmenon.