Sa Facebook live ni 5th District Congressman Dino Yulo, makita ang ground breaking ceremony kaina sang aga para sa Technological University of the Philippines Visayas Binalbagan Campus.
Kun sa Norte may Sagay campus ang TUP, may Binalbagan naman sa Sur.
Ginpangunahan ni TUP-V campus Director Eric Malo-oy, Binalabagan Mayor Alejandro Mirasol kag Cong. Yulo ang seremonya kaina sang aga.
Ini ang pamaagi sang TUP-V nga ipalapit sa mga estudyante nga negrense ang kalidad nga edukasyon sa statement gikan sa eskwelahan.
22 ka tuig ang negosasyon para lamang matigayon ini kag subong natagaan na gid man sang katumanan. Nahamtang ang site sa Barangay San Jose sa Binalbagan.