Shadow

Negros Occidental maga lunsar sang website para sa pag kuha sang vaccination card nga may QR code

Gina paabot ang pag launch sang Kapitolyo Probinsyal sang MIS-portal kun sa diin sarang ma access sang mga fully vaccinated individuals ang ila nga vaccine cards nga may QR code.

Suno kay provincial administrator Rayfrando Diaz, iga launch ni Negros Occidental Governor Eugenio Jose Lacson sa mga LGU kag sa mga alkalde agudto ma access ang link para diri.

Naga kasayuran nga sarang na mismo ma download sang fully vaccinated individual ang iya nga vaccine card nga may QR code.

Mas mangin mahapos sa mga natungdan ilabi na nga masobra naman sa 300,000 ang nabakunahan sa karon. Sa tion nga yara na sa Provincial Health Office ang impormasyon sang nabakunahan kag mahatag na ini sa Management Information System sang probinsya, mangin tayuyon na.

Bisitahan lamang ang site kag sundon ang proseso nga nasaad diri lakip na ang pag encode sang nagakaigo nga impormasyon nga nagalakip sang ngalan, petsa sang pagbbakuna, birthday kag brand sang vaccine.

Wala labot sa pagpangapin sa ikaayong lawas isa sa mga bentahan man sang mga fully vaccinated amo nga mas mangin mahapos ang pagbiyahe bangud indi na kinahanglan pa ang negative RT PCR test result.

Secured By miniOrangeSecured By miniOrange