Shadow

Punong barangay sang Brgy. 16 handa nga iprenda ang iya balay para masweldohan ang mga JO kag kagawad

Nagapanindugan si Punong Barangay Joseph De Los Santos sang Barangay 16 nga nag-agi sa proseso ang budget deliberation sang barangay para sa 2021.

Ini bisan pa suno sa iya, nagapanghinaw ang katapo sang barangay council matapos wala ma-aprobahan sang Sangguniang Panlungsod ang ila annual budget.

Resulta sini nga wala man ma sweldohan ang masobra 40 ka mga trabahador lakip na mga kagawad sang barangay.

Pero handa si De Los Santos nga i-prenda ang iya kaugalingon nga puluy-an agud masweldohan ang mga trabahador.

Ginsiling man ni De Los Santos nga may yara sang pondo ang barangay ugaling indi niya luyag nga matandog ini samtang gina-pangitaan sang solusyon ang pag-approved sang re-enacted budget proposal.

Ginahaylo niya man ang kooperasyon sang katapo sang barangay council agud mabaton man nila kag sang mga trabahador ang ginalauman nga pamaskwa antes matapos ang tuig.

Masobra sa dos shientos otsenta mil ang pondo nga ginakinahanglan para masweldohan ang mga trabahador nga na delay sa sulod sang tatlo na ka bulan.

Ginpahayag man sang mga kagawad sang barangay nga kulang ang mga ginsubmit nga dokumento sang barangay treasurer kag ang iban gin-peke pa amo nga wala ma-approve ang ila ginduso nga p10 million pesos annual budget.

Pero suno kay kapitan na-a amat amatan niya na nga nabayaran ang pila ka mga trabahador kag masobra na lang sa shien mil pesos ang kinahanglan agud mabayaran ang kulang nga sweldo sa barangay.

Secured By miniOrange