Sa isa ka executive order ginpadailom ni Negros Occidental Governor Eugenio Jose Lacson ang probinsya sa state of calamity.
Sa report sang Provincial Disaster Risk Reduction Management Council, 5.9 billion pesos ang halit nga natuga sang bagyo sa pananom, kasapatan, infrastructure, health, food and nutrition, sa mga eskwelahan kag seaports. 38 ang patay, 3,764 ang nagkalaguba nga balay kag 16,477 naman ang damaged nga puluy-an.
Ang pag paidalom sa state of calamity sa probinsya magatugot sang pag gamit sang calamity funds.
Suno kay Vice Governor Jeffrey Ferrer good as passed naman ang amo nga tikang kag bwas natalana ang SP sa pag pasar sang approval para diri.
Nalakip man diri ang pag patuman sang price freeze sa basic necessities kag commodities agudto malikawan ang pag pamentahan sa presyo kasubong man hoarding sang mga goods.
Labing apektado ang power lines kag luyag sang gobernador nga makapadala sang dugang nga personnel para maka bulig sa mga nagkalatumba nga poste.
Padayon man ang pagbaton sang probinsya sang ano man nga bulig ilabi na pagkaon kag tubig tubtob nga ang mga apektado ang maka balik sa ila tagsa ka mga puluy-an.