Shadow

Negros Occidental ginpaidalom naman sa alert level 3

Negros Occidental ang ipaidalom sa Alert Level 3 sumugod Domingo nga adlaw, Enero 16 tubtob Enero 31.

Ini base sa National Inter-Agency Task Force Resolution Number 157-a nga ginpagwa sini lamang nga adlaw.

Nalakip man sa ginpaidalom sa Alert level 3 sa amo nga resolution ang Iloilo City, Iloilo Province kag Guimaras.

Damlag pa, sa separado nga IATF Resolution ginpaidalom na ang Capiz, Antique kag Aklan sa Alert Level 3 sa Western VIsayas.

Nagpa gwa na sang executive order si Governor Eugenio Jose Lacson, sa pag patuman sang amo nga alert level sa Negros Occidental sumugod sa Enero 16.

Sa amo nga EO mga menor de edad kag katapo sang vulnerable population kasubong sang mga senior citizen kag may co-morbidities ang maka gwa lamang para sa mga importante nga bagay ukon para sa essential goods and services, para sa trabaho sa mga permitted industries kag individual outdoor exercise.

Sa mga etablisimiento nga tugutan mag operate – 30 percent lamang sang venue capacity kun indoor kag fully vaccinated dapat; 50 percent naman sa outdoor.

Sa IATF guidelines wala ginatugutan ang face to face classes sa basic education, wala sang contact sports, wala sang funfair kag kid amusement industries, karaoke bars, clubs, concert halls kag theaters. Wala man ginatugutan ang casino kag bulang.

Ang Negros Oriental napaidalom man sa Alert Level 3.

Suno sa gobernador maga require sa gihapon ang probinsya sang SPass kag negative RT PCR test result sa mga gikan sa lugar sa idalom sang Alert Level 3 pasaka lakip na ang Negros Oriental.

“The changes right away will be the occupancy. Capacity, if indoors it will be now limited to 30 percent and outdoors will be limited to 50 percent, whatever is included sa Alert Level 3 automatic na siya. It will be in effect”, suno kay Lacson.

Secured By miniOrangeSecured By miniOrange