Shadow

Mag-iloy patay, 3 pilason sang matumbahan sang 10 wheeler

Pontevedra PNP photo

Patay ang mag iloy nga Hermie kag Jr Cordero samtang pilason naman ang isa pa ka menor de edad nga anak ni Hermie matapos matumbahan sang truck ang ila sini balay sa kilid sang highway sa Barangay Antipolo, banwa sang Pontevedra kaina sang kaagahon.

Suno kay Lt Rowell Peniero, nag lapaw ang truck sa kilid sang highway sang ini ang nag labay sa kurbada kag nag rekta sa balay sang mga Cordero kag natumba.

Dead on the spot si Jr samtang sa ospital naman gin bawian sang kabuhi ang iya iloy. Nag agum man sang seryoso nga injury ang driver sang truck suno sa pulis kag minor injury naman sa iya sini menor de edad nga anak nga iya upod.

Sang nag ligad nga setyembre isa man ka truck ang nag naglapaw kag natumba sa amo nga balay nga nag resulta man sa kamatayon sang ila hinuptanan nga ido.

Leave a Reply

Your email address will not be published. Required fields are marked *

Secured By miniOrangeSecured By miniOrange