Liwat nga naga panawagan si Negros Occidental Governor Eugenio Jose Lacson sang pag pangamuyo sang mga Negrense sa tunga sang sitwasyon karon sang bulkan Kanlaon.
Ginpahayag sang Philippine Institute of Volcanology and Seismology nga base sa ila nga modelling sa tunga sang pag monitor nila sa mga parameters sang bulkan karon, indi na magnubo sa 5 kilometers ang magma gikan sa crater sang bulkan.
Suno kay Lacson, na brief naman sila damlag pa nga may matabo nga culminating activity kaangay sang isa ka major eruption antes pa man mag kalma balik ang bulkan.
Kun ini ang matabo wala naman sang may mahimo pa, kundi mangin handa ang probinsya.
Nagalaum lamang si Lacson nga kun maglupok gid man ang bulkan indi ang mangin tuman ka delikado nga sahi.
Ginsiling sang Phivolcs nga may tatlo ka scenario nga gina paabot, una ang mahinay nga paglab-ot sa crater sang magma kag maga-ilig lamang ini, ika duha amo ang madasig nga pagsaka sang magma kag mangin explosive ang eruption kag ikatlo amo nga mag untat ang amo nga sahi sang activity kag matabo ang pag downgrade sa alert level 2.