Patay ang gina alegar katapo sang New People’s Army sa nagluntad nga engkwentro kagab-i, sa Barangay Tala-on, La Libertad, Negros Oriental.
Sa report sang Philippine Army, may natabo nga engkwentro kagab-i sa tunga sang tropa sang 62nd Infrantry Battalion kag apat ka mga NPA.
Ang napatay ginkilala kay Rolito Tanillos Alyas Gamatoy.
Ang engkwentro ang natabo matapos nagpatigayon sang pursuit operation ang army matapos ang natabo nga pagsunog sang rebelde sa mga heavy equipment sang contractor sa gina-ubra nga farm to market road sa Brgy. Aya, La Libertad Sabado sang aga.
Suno sa army, posible nga ang grupo nga ila na engkwentro amo ang mga responsable sa pag pang sunog sa mga equipment.
Isa ka M14 rifle man ang na-recover sang mga militar sa encounter site. Padayon pa sa karon ang clearing operation sang tropa sa lugar.