Patay ang lima ka tuig nga babaye kag tatlo ka tuig nga lalaki matapos malumos sa suba nga sakop sang Purok Riverside, Barangay Tabunan sa Bago City, Biyernes sang hapon.
Nag-gwa sa imbestigasyon nga naglisensya ang mag-utod sa ila amay nga mahampang sila sa gwa sang balay upod ang 3 ka tuig nila nga tupad balay.
Pagkaligad ang pila ka minutos, nagpadulong sa suba ang tatlo ka mga kabataan.
Nagpanawag ang amay sang mag-utod sa tupad balay apang wala na sang may nagsabat. Didto na kag ginpabalo siya sang iya hinablos nga nalumos ang duha niya ka mga bata.
Nasapwan nga wala na sang kabuhi ang mag-utod, samtang nakaluwas ang lalaki nga tupad balay.
Nahibaluan nga naga-obra ang iloy sang mag-utod nga biktima kag gab-i na nagapauli.
Suno sa iloy, wala gid naka-agi kadto ang iya mga bata sa nasambit nga suba gani wala ini naghuna-huna nga didto pa mapatay ang iya mga kabataan.
Nagapanawagan karon ang pamilya sang bulig agud mahatagan sang disente nga lubong ang duha ka mga bata.
[sibwp_form id=1]