Ginpamatbatan sang anum ka bulan tubtob duha ka tuig kag apat ka bulan nga pagkabilanggo ang isa ka lalaki nga may kahilabtanan sa pag-obra sang peke nga mga business permit sa Bacolod City.
Sa desisyon ni Acting Presiding Judge Michael Hanz Villaster sang MTCC Branch 3 sa Bacolod sadtong Abril 2, anum ka bulan bilang minimum tubtob duha ka tuig kag apat ka bulan kag isa ka adlaw nga pagkabilanggo bilang maximum ang pamatbat sa kay Jaymoun Oliveros, para sa falsification of public document nga kaso. Suno kay Atty Jose Gabriel, Jr. ang Executive Officer sang NBI Bacolod sang Pebrero, sila ang nagpatigayon sang entrapment operation angut sa reklamo nga paglapta sang mga peke nga business permit sa Bacolod. Natigayon ang pagkadakop kay Oliveros sa isa ka mall. Nagatrabaho siya sa isa ka portrait shop sa Bargain Square Mall suno sa NBI kag nagabaton sang transaction kun wala ang tag-iya sang amo nga shop. Sa re-arraignment nga ginpatigayon, may pagkambyo sa desisyon ni Oliveros kag siya ang nag plead guilty sa kaso. Suno kay Atty Inban Cristales sang Public Attorney’s Office kag nag tiglawas kay Oliveros, nag apply for probation si Oliveros kag ini ang gin grant.
“Nag conduct kami ng entrapment operation regarding sa nag-oofer ng business permit outside ng city hall. Nung nahuli namin si Jaymoun Oliveros, upon explanation ng PAO, upon review ng mga evidence na na-submit namin, walang pupuntahan kundi conviction. Since na explain na probationable naman nag plead guilty siya, inamin niya na ginawa niya ang mga dokumento”, suno kay Gabriel.