Pasado na sa second reading sa Senado ang hagna nga nagapatukod sang Bacolod City General Hospital.
Ang House Bill 6731 ang isa ka hagna nga gin author ni Bacolod Congressman Greg Gasataya kag Senador Migz Zubiri nga nagatuyo sa pagpatukod sang ospital sa siudad sang Bacolod kag paghatag sang nagakaigo nga pondo para diri.
Ginhatagan sang senado sang 600 million pesos nga budget ang pagpatukod sang ospital nga pagakuhaon sa 2022 national budget.
Sa ti-on nga mapasar na ang hagna sa senado, sarang na ini mapirmahan sang presidente para mangin isa ka kasuguan kag masuguran na ang construction sa madason nga tuig.
Ginpahayag ni Gasataya nga handum sang pumuluyo sang bacolod nga may kaugalingon ini nga pampubliko nga ospital, suno sa iya malapit na lamang ini nga mahatagan sang katumanan.