Sini nga Oktubre kuntani masaylo na ang mga vendors sa palibot sang Bacolod City Government Center sa isa ka pribado nga lugar sa likod sang BCGC, apang ipaiway anay ang pagpahalin sa ila bangud nagapadayon pa ang pagpatukod sang ila salaylohan.
Ginsiling ni Bacolod City Administrator Atty. Mark Steven Mayo, nga nagsaad na ang private owner sang duta sa likod sang BCGC, nga sa una nga semana sang Disyembre ila na pagabuksan ang ginapatukod nila nga food court.
Puno na suno kay Mayo ang masobra sa 100 ka mga slots nga sarang ma-accomodate sang ini nga baligyaan.
Sa idalum sang kasugtanan sang siudad kag sang pribado nga korporasyon, ipahamtang diri ang mga vendors sa palibot sang BCGC bangud ginadumilian ang pag baligya diri sandig sa nakasaad sa Deed of Donation sa tunga sang siudad kag sang pamilya Gonzaga, nga nagapanag-iya sang duta nga ginatindugan sang BCGC.
Kabaylo sa pagsaylo sang mga vendors sa private nga baligyaan, indi magnubo sa 100 pesos kada 6 square meter ang ila nga bayaran kada adlaw.
Dugang ni Mayo, sa last week sang Nobyembre, ila na hatagan sang last notice ang mga vendors, bilang preparasyon sa ila pagsaylo.
[sibwp_form id=1]