Sa indi madugay gina paabot nga masugdan na ang pag hakot sang mga volcanic deposits sa mga waterways sa Biaknabato sa La Castellana pa gwa sa amo nga area.
Ginsiling ni Provincial Administrator Rayfrando Diaz, sila sa karon ang nag-apply sang Environmental Compliance Certificate angut sa tuyo nga pag clear sang mga sapa kag suba kag iban pa gid nga water ways.
Nagsapol ang probinsya upod sa tiglawas sang Department of Environment and Natural Resources, upod sa iban pa gid nga ahensya sang Miyerkules.
Ang gina duso, para mapadasig ang clearing operation, ang probinsya na ang mismo maga patigayon kag maga supervise sang pag kuha sang volcanic debris.
Ang mga truck owners nga gikan sa private sector nga maga pakig bahin ang maga kuha na lamang sang volcanic deposits kag maga dala sini pa gwa sa area.
Suno kay Diaz ang amo nga extraction subject sa corresponding fees nga paga bayaran sa Provincial Treasurer’s Office.
Nag tugot naman ang Protected Areas Managment Board suno sa iya, ang ECC sang Environmental Management Bureau ang gina hulat.
Sa ma kolekta may share para sa PAMB.
Subong padayon ang clearing sa Ibid Creek gamit ang heavy equipment sang Negros Occidental pero ang mahakot gina butang lamang sa kilid. Rason man nga kun mag ulan gina dala ini balik sang tubig.
[sibwp_form id=1]