Forensic examination natalana ipatuman sa tatlo ka tul-an kag himata nga nadulaan sang iloy.
Nag-request na ang Bacolod City Police Office Forensic Unit sang bulig gikan sa ila headquarters sa Camp Crame para sa forensic examination sa tatlo ka mga tul-an sang tawo nga nadiskubrehan sa kampo sang tubo sa Barangay Alangilan sa Bacolod.
Nobyembre 12 sang una nga nakit-an ang mga tul-an sang tawo sa kampo kag sini lang nga Miyerkules duha pa ka mga set sang tul-an ang na-recover sang katapo sang Police Station 5.
May mga pamilya nga taga-Barangay Mansilingan ang nag pakig-angut sa pulis para ma-claim ang ila himata nga ginapatihan gin-abduct Hulyo sang nagligad nga tuig.
Ginpahayag ni BCPO Director Police Colonel Joeresty Coronica nga kinahanglan mapaidalom sa cross-matching ang mga nakuha nga tul-an sa baylo nga basehan ang nakit-an nga pustiso nga ginasiling iya sang iloy sang claimant.
Ang mga tul-an ang indi na makilal-an bangud wala sang nabilin nga bisan panapton malapit sa lugar kun diin ini nagkalasapwan.