Shadow

Mga private hospitals sa Bacolod puno na sang Covid patients, CLMMRH halos puno na

YouTube player

Gintawgan sang Digicast Negros ang tanan nga private hospitals sa Bacolod agud hibaluon kun bala naga baton pa sila sang Covid patients.

Halos tanan, indi na maka akomodar bangud puno na.

Sa Bacolod Doctors Hospital, mga ika kwarenta na sa waiting list ang masulod nga pasyente as of 11 am.

Sa Metro Bacolod Hospital puno naman, masobra sa treinta ang yara sa waiting list.

Sa Queen Of Mercy Hospital naman, naga baton pa pero gina line up pa kay puno na ang ioslation rooms. Wala sila naga hatag sang number kag gina tawgan lang ang pasyente kun may bakante na.

Ang Bacolod Adventist Medical Center wala naman anay naga baton sang Covid patients, puno na ang ila emergency room ang iban sa tent, may 43 ka pending nga yara sa mga balay kag quarantine facility.

Ang Riverside Medical Center nagpagwa naman sang public advisory nga indi na sila anay mag admit sang mga covid patients pati na ang may mga Covid like symptoms. Ini bangud gina kulang na ang ila nga medical pesonnel. Home care service na lang ang ila nga gina baton.

Sini nga hapon nagpagwa man sang advisory ang South Bacolod General Hospital nga nga ila na nabaton ang maximum number of beds para sa Covid-19 patients.

Ang Corazon Locsin Montelibano Memorial Regional Hospital may isa na lang ka bakante sa Covid ward. Suno sa kay Dr. Julius Drilon, medical center chief sang CLMMRH, nag dugang pa sila sang Covid beds pero gina kulang man sila sa tawo kay ang iban nga mga staff nag positibo man sa Covid-19

“You have to understand that the number of bed can be determined by the number of people you throw in those beds. So remember ang corazon locsin caters to moderate to severe so lain na da ang staffing requirements,” suno kay Drilon.

Moderate to severe lang ang gina baton sang clmmrh kag lain man ang ratio sang personnel sa kada pasyente.

Dugang pa niya, sang nagliligad pa sila nga semana naga pahibalo sa publiko sa sitwasyon sang ospital.

Dugang pa niya ang Delta variant sang Covid-19 amo sa karon ang naga pasaka sang kaso sang Covid-19 sa probinsya.

Damlag pa gin siling man ni Dr. Chris Sorongon ang deputy for medical data and analysis sang Bacolod Emergency Operations Center nga mahimo pa magdamo gani ang variants sang Covid-19 kag ang pagpa bakuna amo lang gid ang maka pahagan hagan sang epekto sini sa mga pasyente.

Secured By miniOrangeSecured By miniOrange