Shadow

Valeriano Gatuslao Hospital sa Himamaylan himuon nga ikatlo nga Covid hospital

Capitol file photo

Iga-convert sang Negros Occidental ang Gov. Valeriano M. Gatuslao Memorial Hospital sa Himamaylan City, bilang ikatlo nga Covid designated hospital sang probinsya.

Suno kay provincial administrator Rayfrando Diaz, ini ang ginmando ni Negros Occidental Governor Eugenio Jose Lacson kasunod sang pag timbuok sang Covid-19 cases sa probinsya. Halos puno na ang mga Covid designated hospitals sa Valladolid kag Cadiz City.

Kun mabuksan na ang 5th floor kag mahuman ang annex sang ospital sa Cadiz, sarang nga madugangan sang 120 ka Covid beds ini.

Samtang, ang mga regular patients sang ospital sa Himamaylan ang iga-refer na sa ospital sa Kabankalan kun matigayon na ang pag plastar sang ospital sa Himamaylan City bilang Covid designated hospital.

Sa nagligad nga 24 oras, 200 suno kay Diaz ang bag-o nga kaso sang Covid-19 sang probinsya.

1,534 ang kabilugan nga kaso sang Setymbre kag tunga-tunga pa lamang karon sang bulan.

Sang Agosto sa bilog nga bulan na, 1,589 ang gin report nga Covid-19 cases.

Mataas man ang death rate. Sa datus sang Provincial Incident Management Team, as of September 13, walo ang ginreport nga napatay.

Bisan gani ang Mambukal nga naga serbe nga healing facility sang provincial government employees ang puno man suno sa kay Diaz.

Magluwa sa mga ospital, maga dugang man sang tawo sa oxygen plant sang probinsya kasubong man maga upgrade. Target sini nga maka produce sang gikan sa 50 tanks sa 180 kada adlaw.

Mga 300 percent ang ginsaka sa konsumo sa oxygen sang mga ospital bangud nga ang mga pasyente nga naga ka admit gikan sa moderate to severe cases sang Covid-19. Nagdugang naman sang mga high flow machines sa ospital bisan pa sa mga equipment nga gina gamit sang mga health care workers.

Secured By miniOrangeSecured By miniOrange