Masako na ang mga patyo. May yara naman sang mga temprano pa nga nagbisita sa ila na mga minatay.
Sa mga pribado nga patyo sa siudad sang Bacolod sang Martes, makit-an ang pila ka mga lulubngan nga may mga bulak na kag may mga naka sindi nga kandila, patimaan nga may mga yadtong temprano pa nagbisita sa ila mga nagtaliwan nga pinalangga sa kabuhi. May mga naka set-up nga nga tent, ang iban masako sa pag paninlo.
Pahanumdom ni Governor Eugenio Jose Lacson sa publiko nga sa pagpadulong sa mga patyo sundon ang mga protocol, likawan ang pag inom kag pagbitbit man sang patalom. Kay tungod nga gina paabot nga may pagtupa sang ulan mas maayo kun may payong kag mahalungan ang ikaayong lawas.
Ang Pista Minatay suno sa iya tion nga makatipon man kag maka upod ang mga pamilya. Sa mga magabakasyon, maayo man labi na sa mga maga drive kag maga biyahe nga likawan ang pag inom sang makahulubog nga ilimnon. Samtang may mga assistance desks nga napahamtang sa mga highway. Damlag pa napaidalom na sa red alert ang PNP, ARMY, Coast Guard pati na Disaster Teams para sa tigkalalag.