Ginpasa pasahan sang weekend ang ini nga walo ka segundos nga video clip nga gina siling kuha sa Art District sa Bacolod Biyernes sang gab-i.
Sa video makita ang 20 tubtob treinta ka mga pamatan-on nga naga tipon tipon kag naga sinaot nga wala sang may gina suksok sang facemask.
Suno sa executive director sang Bacolod Emergency Operations Center nga si Em Ang, ila ini gilayon nga gin-report sa DILG.
Kag subong nga adlaw may tiglawas gikan sa Business Permit and Licensing Office nga nagpadulong sa amo nga commercial establishment para magpatigayon sang imbestigasyon.
Dugang pa ni ang may pila ka bayolasyon nga nakita sa video, wala sang mask ang mga kabataan kag ay mga naga ilinum dismayado siya sa natabo kay kun tani samtang naga panubo ang kaso sang COVID-19 sa Bacolod, dapat naga kooperar man ang mga pumuluyo para mapa dasig ang pagtapna sang paglapta sang balatian.
Ang DILG sang Bacolod nagpadala man sang report sa DILG Region 6 para ipahibalo ang amo nga insidente.
Si Ang nga amo man ang City Administrator sang Bacolod ang naga paandam sa iban nga mga negosyante nga naga supak sang health protocols nga sarang sila mapa sirado kun mapamtud-an nga may bayolasyon sila.
Pati ang PNP ang ginmadnuan man nga bantayan ang Art District kag siguraduhon nga indi na masulit pa ang amo nga insidente.