Sa Silay City masako angh libutay sang sini nga fire truck nga naga rekorida para ipahanumdom sa mga pumuluyo ang mga dapat himuon sa ti-un sang emerhensya.
Sa Bacolod City naman…Ginpa papanog ang mga higante nga bill board sa may Lacson Street antes pa man mag igo ang bagyo karon sa gab-i.
Mga billboards sang mga naga papili ang makit-an diri pero bangud sang bagyo temporaryo ini nga ginpang himos.
Sa Talisay City…Ang naga puyo sa kilid sang suba sa Barangay Zone 8 ang masako na sa ila preparasyon.
Si Ricky Militon naga pamati sang worship song samtang naga pamanday sang iya balay. Ginpang islan niya sang mga kawayan ang parte sang iya nga balay nga naguba sang nagligad nga pagbaha.
Basta gani mag bunok ang ulan, naga lab-ot pa sa ila second floor ang baha kay naga awas ang tubig sa suba.
Para malikawan nga ma anod sang baha ang idalom nga parte sang iya balay, iya na ini nga gin kay-o.
Mas nagakadapat kuno pamatian sa sini nga paniempo ang ini klase nga mga kanta.
Napang himos na nila ang ila pagkabutang para sa evacuation. Ang iya kaingud nga si Eddie Cordero naga pang higot sang mga sin.
Ang iya trisikad ginpasaka niya na nga daan kay iya ini dal-on sa ibabaw. Ang iya nga mga tanum ginpang tungtung niya na sa atop para indi pag paliron sang hangin ang sin.
Naputos naman ang ila nga mga gamit para sa ila pag evacuate karon sa gab-i.
Si Andrea Bulkan naman ginpang una ang mga sapatos kag bayo pasaka. Nadudula na siya sang nagligad nga pagbaha, ginpang anod sang baha ang ila mga gamit.
Na anad na sila nga kada magbunok ang ulan, gina baha sila gani wala na nila gina hulat nga magbubu ang ulan antes manghimos. Ready na sila mag evacuate antes mag igo ang bagyo.