Shadow

Mga manunudlo naga sukot sa DepEd sang bayad para sa overtime pay; may iban pa gid nga demands

Paagi sa isa ka pungsodnon nga aksyon protesta, mga manunudlo ang maga panukot sa Department of Education sang bayad sa ila nga overtime pay kag may iban pa gid nga demands.

Gintalana sang mga manunudlo nga katapo sang Alliance of Concerned Teachers ang Nobyembre 26 bilang “Pambansang araw ng paninigil sa DepEd para sa overtime pay ng mga guro.”

Sa Manila may mga manunudlo nga maga tipon sa amo nga adlaw sagwa sang talatapan sang DepEd, pero sa Negros Occidental, suno kay Richard Gelangre ang vice – chairperson sang Act Negros Union, ginahaylo nila ang mga eskwelahan nga mag butang sa amo nga panawagan kag mag pa litrato, ilabi na nga ang makasabat sang demand yara sa national nga lebel.

Ginasukot nila ang DepEd sa overtime nga ila nahatag sang nagligad nga tuig. Paathag nila, indi lamang sa office hours sila naghatag sang serbisyo tuga man sa pagpanghangkat sa sahi sang pagtudlo karon nga may pandemya.

Naga panawagan man sila sang pag upgrade sa salary grade 15 sang sweldo sang teacher 1, laptop sa kada manunudlo kag 1,500 nga monthly internet allowance, 3,000 pesos nga inflation adjustment allowance kag tax free nga election honoraria nga 10,000 pesos.

Kun lantawon ang kahimtangan sang mga manunudlo suno sa ila tuman ka gamay sang sweldo – magamay ang saka sa sweldo kag may inflation pa.

Secured By miniOrangeSecured By miniOrange