Mga guba nga traktora, pumpboat kag wala na ginagamit nga bus ang pila lang sa mga nagahinantal nga heavy equipment sa sulod sang compound sang Bacolod City College kag City Engineer’s Office compound sa Barangay Taculing.
Indi na ini mapuslan sang siudad. Gani plano sang disposal committee nga ipa-appraise kag ibaligya na lamang ang amo nga mga pagkabutang sang siudad.
Suno kay Councilor Israel Salanga, chairperson sang committee on government assets sang konseho, kalabanan sa mga heavy equipment may beinte anyos na nga yara lang sa separado nga mga compound.
Nagapati si salanga nga magluwas nga bentaha sa siudad nga mabaligya pa ang mga indi na magamit nga pagkabutang, sarang man mapaiway ang posible pagpangahoy sa mga pizas ukon pagpangawat sang mga parte sang mga heavy equipment.