Shadow

Water specimen testing ginpatigayon para mapat-ud ang ginhalinan sang cholera

Nagpadala sang mga water sampling ang Bacolod City Health Office para ma usisa ang kalidad sang tubig sa gina istaran sang 37 anyos nga babaye nga nagpositibo sa cholera.

Suno kay City health officer Dr. Carmela Gensoli, ginapabaskog naman karon ang inspection kag pag-usisa sang environment sanitation division sang CHO sa mga water refilling stations sa mga kabarangayan.

Ang makuha nila nga water specimen ang ginapadala sa Corazon Locsin Montelibano Memorial Regional Hospital, Teresita Jalandoni Provincial Hospital kag sa Negros Prawn Producers Cooperative Analytical and Diagnostic laboratory para ma usisa.

Ginpasaka na sang siudad ang alert threshold kadungan sang pagpasanyug man sang CHO sang education campaign kontra sa cholera dugang pa diri nga nagasaka man karon ang kaso sang gastro enteritis sa Western visayas.

Secured By miniOrangeSecured By miniOrange