Mga eskwelahan sa mga kabarangayan ang plano nga gamiton sang bacolod Emergency Operations Center para sa natalana nga Bayanihan Bakunahan 2.
Ang Bacolod City nga may masobra sa 70 mil ka mga nabakunahan sa National Vaccination Days.
Gani balik karon sa regular nga vaccination program ang katapo Emergency Operations Center bisan ginpalawig sang National Task Force against Covid-19 ang inoculation tubtob sa Biyernes.
Pero suno kay Dr. Chris Sorongon, deputy for medical data and analysis sang EOC, magahanda sila sang mga public school campus nga italana nga vaccination area para sa Bayanihan Bakunahan 2 sa Disyembre 15 tubtob 17.
Target naman nila nga mabakunahan ang mga nagakadto sa mga eskwelhan, ilabi na mga ginikanan nga nagakuha kag nagadul-ong sang module sang ila mga kabataan.