Shadow

Menor de edad patay, isa pilason matapos matiruhan sang army

Patay ang 15 anyos nga babayi matapos ini masalabat sang bala kagab-i sang gintiro sang isa ka army ang 52 anyos nga si Felix Estomo.

Suno kay Lt Dennis Melgarejo, deputy chief sang Kabankalan PNP, naga inom sang kagab-i ang amay sang menor de edad kag ang miyembro sang 94th Infantry Battalion nga si Sgt Lito Valdevieso, sang mag abot si Estomo.

Samtang naga inom, suno sa pulis, gin pangayuan ni Estomo sang ID ang suldado nga gin tunaan sang ila pag baisay.

Gintiro ni Valdevieso si Estomo kag naigu ini sa abaga.

Ginpasundan sang army sang tiro ang biktima samtang naga palagyo kabangdanan nga nasalabat ang menor de edad nga naga pungko lang sa tricycle.

Detained karon sa Kabankalan PNP si Valdevieso. Gin pahayag naman sang spokesperson sang 3rd Infantry Brigade nga wala nila gina tolerar ang amo nga kahimuan kag ini ang isa lamang ka isolated case.

Sila ang makig angut man sa PNP pra sa separado nga imbestigasyon.

Leave a Reply

Your email address will not be published. Required fields are marked *

Secured By miniOrangeSecured By miniOrange